我決定有咁散得咁散地打。仲要唔順序。
上年國慶身痕換asiamiles去左台北
事實係因為d miles就黎過期又唔夠去遠d...
就拉左H先生同我一齊去(撤花)
又因為大時大節的關係, 就算早半年book呢一張redeem ticket
都。係。唔。會。有。早。去。晚。返。的。
結果，話去四日實際只有兩日半 (泣)
一落機買data卡 (冇網上冇facebook會死的人 orz)
等巴士等左成! 個! 鐘! 去到酒店都已經下晝三點半
就即刻飛的去左呢間傳說中的街市版築地
呢個同一個香港普通既街市真係冇分別架喎
不過唔同既係，人地個街市乾淨好多。
搵到喇! (出賣H先生，呵呵)人家就是閒話家常地講台語...
之前睇好多blog都係話要排好耐, 但係可能我地去到就收市
真係排都唔駛排。我同師父講要Omakase由得佢發板
本身其實有講大概budget的, 但係最後比budget貴了很多...
師父每上一野都有講係咩, 但係我都聽唔切佢地係咩黎 (汗)
加埋食左大約10樣野。唯一唔好既係師父都唔理我地食左未就上另外一樣
立食格局...師父會就咁擺在前面那塊木板上。以下係比較記得 (同影得靚d既野...)
頭盤大蝦沙律 - 蝦肉大大舊, 沙律菜新鮮又夠juicy!
甜蝦刺身 - 其實好想叫佢拎左個蝦頭去炸...
海膽手卷 - 紫菜夠脆, 海膽夠多, 好想encore!
炙燒帆立貝握壽司 - 舊飯好細
不過肉厚而且超鮮味!
生蠔同唔知咩魚刺身 - 唔係我杯茶但係H先生大讚!
幼蔥吞拿蓉細卷 - 都係好想encore既item!幸福既味道啊...
鮮鮑魚刺身 (每人一隻啊!)
不明貝類 (應該係赤貝?) 握壽司 - 有咬口, 跟上面一樣飯很少
另加的炙燒幼蔥拖羅 -
這個是想encore十碟的! 那個感覺在口中間直係天堂!!!
另外有一大煲的海鮮魚湯任飲的
但係入面有我人生的最大敵人...莞茜
所以我飲左一啖就放棄左 orz
上面仲有一兩樣冇影到
加埋兩個人食左八百幾...港幣 (!!!)
呃...在香港都冇食過咁貴既壽司 orz
下次再去可能會試上引水產吧
阿吉師
台灣台北市士林區士東路100號 (士東市場1樓88號攤位)
+886 2 2834 6136
營業時間：11:30-17:00 (週一公休且與市場一起休市)
0 Comments:
發佈留言