我承認，我對muji係好偏心
或者咁講，其實係一種情意結
中學至大學時代，七彩的墨水筆螢光筆
原子筆鉛芯筆memo貼紙...
甚至開學前非常OCD一定要去買一set的notebook跟binder
muji就是有那種魔力。
好早已經知muji會喺香港開日本以外的第一家Cafe & Meal Muji
身為粉絲的我就梗係mark定schedule試業的第一日就去左食啦!
呼。好彩仲岩岩趕得切10:30pm last order之前到咋。
入座之後staff會擺低個"留座"牌, 然後你就可以慢慢咁去counter買野食
每日都有唔同既菜色輪流推出
不過同樣都係以健康既食材為主
套餐可以揀3食或者4食，同樣都會跟一碗十穀米/白飯
另外仲可以揀麵豉湯或者冷熱飲品。
第一次去的時候已經接近last order
揀左4食，但係因為冇咩其他選擇可以揀
所以有其中的菠菜雞肉漢堡重複左。
由上至下左至右...
菠菜雞肉漢堡:
多汁的話會好吃超多, 可能是水尾的關係, 肉質有點乾而且只是微溫
日式羊栖菜沙律:
其實係水菜加埋一d海草, 有點太濕但我唔知係唔係「日式沙律」的特色
(小松?)菜凱撒沙律:
Caesar控的我望到「凱撒沙律」四隻字已經下了決定, 但感覺係完全被騙的
麵包粒一點都唔脆都算了，汁跟「凱撒沙律」完全沒有關係...而且菜是苦的 ORZ
幸好甜品方面拉回些少分數
抹茶軟雪糕:
老實說我覺得比citysuper那間長龍店好食! 喜歡的是因為味道冇咁甜, 而且有丁點茶澀味
藍莓芝士餅:
如newyork cheesecake一樣的做法，入口即溶而且不會死甜，沒有太膩的感覺 good!
可惜是一早鎖定想食的本和香糖布丁一早sold out了．．．
有點失望的是第2次去的時候，雖然選擇多了
但份量卻大不如之前試業的時候，而且四食也只可以要兩熱兩冷的配搭
看來都是不要抱太大期望好了。
Café&Meal MUJI
銅鑼灣波斯富街99號利舞臺廣場3樓
星期一至日：11:00 - 22:30 (Last order：22:00)
0 Comments:
發佈留言