再唔寫呢篇我就好大機會又走數架喇...
咁岩呢排有朋友黎緊會去箱根問我揀邊間旅館
就等我快快脆寫埋呢篇同埋下次既溫泉篇啦。
上次講左靜觀莊既地點，同埋我地住既房型
基於我地check-in 既時間已經差唔多天黑
所以擺好行李之後落左去浸左個快既風呂浴之後
上番房都已經差唔多食飯lu...
超靚的手寫menu
但呢晚既和式晚膳會係自己房間入面食，由女將一道一道咁上
除左私人感大增之外，坐在和式tatami上面食亦別有一番風味。
左至右: 柚子酒，加了芝士的茶碗蒸し， (好似係) 旬果沙律
上面三樣之中最好味的係中間那個加了芝士的茶碗蒸，
從來冇諗過原來加左camembert同brie之後係可以出奇地夾!
左至右: 丸玉子豆腐，各種魚的刺身， 黑蜜野菜盛
你可能會問，menu明明只係寫魚，點解中間那碟會有蝦的呢?
其實我在book房時已經估到一般日式旅館的晚膳，好多時都係會一式一樣
book房之後同店方confirm的時候，落左個request係其中一位客人唔食白身魚
所以其實我跟H先生的菜是有些微分別的，我那個沒有拍的其實是吞拿魚。
左至右: 蘆筍和牛卷，冷的手打烏冬，牛腩Gratin (?)
到主菜出場喇 ~
左面的蘆筍和牛卷做得非常精緻，中間的烏冬爽口彈牙，
加埋個gratin...嗚呀
雖然份量睇落好少，但係食下食下都覺得開始飽飽地。
左至右: 秋葵跟帶子 (?)，超亮點的醋鯖魚卷壽司，飯後甜品
秋葵跟帶子我是no comment的 (
但中間那個醋鯖魚卷壽司好味到...
我覺得就算已經120%飽都可以繼續食落去 (老闆我可以要10客打包嗎?)
最後的甜點用了當時得令的梨子，超清甜
還有那一杯正中心意的芒‧果‧布‧甸!!! (老闆可能識得讀心術 哈哈。)
食完以為可以抖下再去浸浸之際，
女將拎左兩粒稻荷比我地....嗚，原來係怕我地半夜三更會肚餓
(因為附近真係山卡啦，行好耐先會有一間便利店)
浸完上黎送suntory的premium malts....太幸福了吧。
靜觀莊
神奈川縣足柄下郡箱根町湯本茶屋19
Tel: (+81) 460-85-5795
http://www.seikansou.jp
0 Comments:
發佈留言