[網購出血文] 淘寶雙十一‧戰利品實物

上次講過淘寶雙十一買左D咩野
隔左一個星期之後終於送到黎喇!

今次考慮到由唔同店舖都有野買
唔可以好似之前咁一間買晒黎令個郵費平D
咁岩佢地推廣緊官方的國際轉運服務
我就揀左平時都會用的順豐速運黎做轉運喇。

轉運的原理就係國內件首先寄晒去一個地方
(香港的話，轉運站多數會係深圳)
集埋所有件之後先一次過寄黎香港
咁就會平左每一件貨分別要寄黎既運費了。



兩隻漫畫格三分陶瓷碟都冇穿冇爛 (呼)
只係下面那隻的左下角有少少甩油
(不過本身賣家都話係有少少瑕疵的了...nvm吧)



Gracegift的牛津雕花筆直金扣中跟修身長靴
本身著37號的我已經好穩陣地買大d要38號
腳位有少少鬆，著番厚襪應該冇問題
只係個筒位有點點窄...睇怕都要著多幾次先會鬆番d..
(謎之聲：明明就係你個腳瓜太勁之嘛...)

東京著衣的就下次先再share吧 : )