因為無啦啦公司送左日中秋正日company leave, travel bug癮起就拿拿淋plan個short trip
基於銀彈同假期有限, 就揀左搭HK Express去首爾行下啦!
可能撞岩中秋假期, 好多人都一早plan定晒行程
搞到大部分熱門酒店都full左...之後再上booking.com同agoda睇下,
見到呢間SMALL HOUSE BIG DOOR都幾近明洞諗住book
點知上佢地official website個rate仲平d (加埋兩晚係KRW$230000)
結果就email佢地reserve room去到先比錢喇。
酒店位於地鐵2號線乙支路入口站附近, 對於我呢個首爾自由行初哥黎講都好易搵
由機場搭A'REX弘大入口轉車上地鐵2號線去到乙支路入口站, 一出Exit 2行一分鐘就到!
酒店本身係一幢有50年歷史既建築物, 岩岩喺今年5月先岩岩renew完
所以其實都只係開左4個月咁上下, 一般訂房網甚至tripadvisor都未有好多review
一入大門就見到上房既電梯同埋右面既reception
成間酒店分為4種房型加埋都係得25間房, 而今次我地book既就係最standard既房型。
本身check-in time係下晝兩點, 不過我地早左到而我地間房已經ready
所以佢地都比我地early check-in早d上去擺低d行李 : )
我地今次住既係308號房間 (個keychain係用3D printer print出黎架!)
其實呢間酒店有好多item都係用佢地擺喺lounge嗰兩部3D printer整出黎!!
就好似床邊呢盞bed light咁, 個燈罩都係print出黎架
而且呢盞燈上面有塊magnet, 可以周圍癡都得! 有得買我都想買番盞呀。
房間喺首爾黎講都應該算大架喇, 起碼活動空間好足夠
全間房都係以白‧木‧灰色為主, 設計非常間約
一入門口就會見到toilet同埋shower, 兩者分開不過共用一隻趟門
要留意既係standard room係冇bath tub架, 如果想浸浸既就要book Corner 房型喇。
最加分位係佢地既amenities係用上希臘品牌Korres啊...
上次去完雅典都喺佢地度跌左唔少錢架喇.... (遲d 希臘戰利品文會同大家介紹下 哈)
有冇留意一開始張圖好似少左D野呢? 呢度房間可以留到咁多空間出黎
唔多唔少都係因為左面圖入面呢個百寶櫃。 裡面收埋左電視, 雪櫃, 立雜野, 甚至微型書檯!
仲貼心地有幾個international adapter 位比你叉電添。
至於景觀其實就冇咩架喇, 打開窗就只係見到對面座建築物而已...
樓下lobby/lounge其實係一個bistro, 價錢都唔係太貴
所以見到其實好多顧客都係後生仔女既型人
好多就算唔係喺度住既, 都會黎飲coffee同傾計
(連個menu都係3D print出黎架!!!)
早餐好似唔包的, (唔sure係唔係我同佢地book先係咁)
如果要食的話都只係5000won一位, 聽講d coffee仲要係幾好飲架添。
呢兩部就係print晒成間酒店d野既3D printer (!!!)
究竟老闆係唔係喺kickstarter入貨架呢? (笑)
Lounge/Bistro旁邊仲有呢個向下伸展既exhibition/forum位
聽講開業呢幾個月黎已經有唔少潮brand喺度搞發佈會同party喇...
總括黎講, 其實呢個價位有呢個地段真係唔錯
最好係佢真係好方便, 由乙支路入口站一上黎都係一分鐘咁上下咋。
不過要彈的話可以係個wifi signal唔係好穩定啦...。
圖中星星位就係SHBD喇, 由乙支路入口站行出黎真係好近
由機場搭A'REX的話就喺弘大入口站轉2號綠色線去乙支路入口站都係大約一個鐘多D。
如果係搭機場巴士既, 就可以搭6001/6015喺Ibis門口落,
又或者搭6701喺對面Lotte Hotel門口落行過去喇。
(溫馨提示!! A'REX各停車都係單程3650won, 而巴士差唔多貴一倍有多啊, 你識揀既...)
SMALL HOUSE BIG DOOR
중구 남대문로 9길 6 (다동 115), Seoul, Korea
(6 Namdaemun-ro 9-gil, Jung-gu, Seoul, Korea)
Tel: +82 2-2038-8191
Email: info@smallhousebigdoor.com
Website: http://www.smallhousebigdoor.com
間酒店幾型喎，希望出年得閒去首爾行下。
回覆刪除型得黎仲要好新呀, 我訂的時候連Tripadvisor都未有raking同review score呀~
刪除