Santorini上面雖然有好多呢d「洞穴屋」酒店, 不過大多數都係天價
尤其如果係喺崖邊對海有"Caldera View (火山島景觀)", 間間地都要€400/500一晚!
好好彩喺booking.com搵到呢間Fira White Residence, 一晚4個人都係€220!
不過...Santorini同Mykonos一樣, 有地圖其實即係冇地圖 (汗)
街係冇名, 屋係冇門牌...我地就算有車都迷左路
好彩搵到人借電話打比我地個host叫佢黎接我地, 最後先安全到步。
人地本身好天就係咁樣既...唉, 點知我係陰天足咁多日囉。
好似Sparta入面個男主角既host 教我地搵左個好位泊好車
食生菜咁易咁就幫我地抬起兩件超重既行李 (!!), 向Caldera方向行
有眼你睇, 可能真係人黑
連個天都好似唔鐘意我咁 (泣)
不過其實企喺咁高望出去, 都真係幾壯觀既。
途中仲見到好多呢d都係天價食view既餐廳
有Caldera view係好靚, 不過換來既就係行‧樓‧梯
要個view越冇野遮住, 就要越行得落去個崖度
所以話呢, 好既野都係要用辛苦既汗手換番黎架! (握拳)
行左大約二百級樓梯之後, 仲有一條彎彎曲曲既小路...
我地見到一道藍色既大門!
我地終於都到左喇! 原來呢度係host買多左一間出租用
與其話係民宿, 我反而覺得似係長洲d渡假屋多d (笑)
屋就係得一間, 冇reception, host同我地講低晒有咩之後就走左lu
不過佢走之前送左支佢自己釀既白酒比我地, 仲叫我地飲完聽日話比佢知好唔好飲
屋入面有一個都算係fully-equipped既廚房仔, 第二朝既早餐自己煮都冇問題啦。
屋有兩張double bed, 上面都唔算係一個bedroom, 其實就咁係一個attic而已
我諗佢地應該唔係開左好耐, 所以好多野都keep得好新下
放低左d行李之後就行番出去Fira個town area搵地方食dinner
attic開左燈都真係幾有情調架。
食完飯我地喺超市買左整早餐既材料
仲見到有sparkler買, 又好耐冇玩過喎, 所以....hehe
天氣仲係有d陰陰地, 本身仲諗住黎影下星星, 結果唯有玩下light painting算啦。
Fira White Residence
Thera 847 00 Greece
Tel：+30 693 671 6763
http://www.firawhiteresidence.com/
0 Comments:
發佈留言