回顧上集，話說H先生同我襯住5．1 long weekend忽然飛左去大阪
第一日行程可以睇番 ＞呢度＜
Day 2
Hotel Monterey Grasmere Osaka - 黑門市場 - 千日前道具街 - 梅田 - 道頓堀 千房
咁第二日起身一早要搵野食，東京去築地，大阪就當然係去黑門市場啦！
5.1當日其實日本都係公眾假期，所以雖然有唔少舖頭閂左但一樣人頭湧湧。
去0個期岩岩杜如風介紹完，正好幫晒我地呢d冇咩做功課既人 哈哈
先黎呢個平通街既碟頭
1200円呢個價錢有咁大碟野，0係hk你食一塊分分鐘都費過晒喇！必食推介
不過呢，兩個人分一碟好喇，你一個人食晒就飽左冇得食其他野架喇～
認住佢啦，0係正中間好易搵架咋。(no, 唔係個人...係間舖 哈哈哈）
我地本身就食完上面個トロ丼之後就去對面啪左個海膽既
一食就知瀨左野，真係晒左1500円，睇落好地地，食落苦既！
行前幾間見到呢間勁多人圍，dum晒心口，包即開，仲要開完加多幾匙比你
下次記得行晒先好揀定黎買啊…嗚嗚嗚
食完生野梗係要食埋d熟架啦，和牛一塊只係2000円
唔駛買萬萬聲既，呢d薄蔣地一塊已經好有肉味，仲未冇咁肥添～
提供即買即煎既都有好幾家，睇落覺得全部都差唔多，有位就入啦。
再行前少少呢就會見到呢間display好勁既生果店
不過，上面學精左，冇0係呢度買，行前幾間有小店平一半啊。
（btw 白色0個隻淡雪真係得個樣，冇咩味，我寧願食番平時大愛既あまおう。）
食到咁上下飽晒，就行番去隔離d小街s，竟然比我地誤打誤撞搵到條道具街！
道具街其實就好似hk條上海街咁，專係賣d廚房野同埋餐廳用0個d器具～
酒鬼H先生喺街口買左d燒酎杯之外，行入少少就比我地搵到呢間野
我地兩個都好鐘意煮野食，呢間舖間直係天堂啊～
好人氣既千代田模就冇喇，不過有個一樣係made in Japan既同款
最後怕自己買左都係擺，所以只係揀左個lemon款～
去完道具街出左梅田（想）血拚，點知只係買得一件衫 ，相都冇影多張 orz
梅田買唔落手唯有番黎心齋橋行下，行行下又見肚餓就搵野食
之前一晚食完蟹，呢一晚想食下另一d野，就揀左食お好み焼き
呢間咁長龍，應該都有番咁上下好食啦
又好好彩排左半個鐘都冇就入到去喇～
除左地下0個層，好似上面0個d全部位都係對住塊鐵板的
同埋呢度冇得比你自己diy架，全部都係師父出手，順便可以偷下師嘛 hehe
choice就唔係好多，有set，有散叫，不過黎黎去去都係唔同款既お好み焼き同炒麵
唔好煩，直接要個set算數～
我地叫左個set有沙律，蛋卷，炒麵同お好み焼き
不過唔知係我地肚餓定點，食到お好み焼き先記得餵番部相機先 哈哈
明明食完野好飽，但係野又買唔到
唯有去family mart買野食填補下心靈…
兩日就係咁就完左…
老公大人話下次點都要拎喼
0 Comments:
發佈留言