第一次同爸爸媽媽出國去旅行就係美加西岸
我諗嗰時諗都冇諗過下一次再黎的時侯要係20年之後，仲要已經變左人妻
關於Disneyland的介紹同blog post應該多到數唔晒
所以我諗呢篇blog會比較係心情文加埋屬於我地自己的一個小記錄 ：）
喺LA因為交通都算方便，我地冇租車就由airbnb直接叫uber去Disneyland
冇記錯都差唔多要30幾蚊美金each way呀，不過起碼方便同point to point先。
去到跟住人潮就會見到入口，一如所有其他Disneyland一樣，買飛都係要打蛇餅的 orz
不過當場買飛都有樣野好嘅，就係我地話係on honeymoon佢就會比個扣針我地
（本身嗰個應該係寫happily ever after的，不過佢地派晒叫我地入場搵人換番 haha）
唔好睇少呢個button啊，入到去真係見得到的工作人員都會同我地講congrats…仲要之後有個好好的surprise添！
咁Anaheim的Disneyland其實係分為兩個theme park：Disneyland同California Adventure
個分別就係Disneyland嗰邊d野大路d，傳統d；而California Adventure d野就新d，刺激dd吧
因為我地得一日咁多，如果只係揀game attraction的話其實一定係揀California Adventure
但係我又唔想miss out Disneyland夜晚個firework喎 （小的對煙花呢回事有特別情意結…）
所以買左一個人差唔多要HKD$1300 (US$165/pp）的1 day park hopper ticket…（感謝老公大人冇殺左我）
喺完。全。冇。做。功。課。的情況下，當然係去左California Adventure先啦
入到去拔足狂奔去Tower of Terror拎fastpass，務求老公大人可以去一試跳樓滋味
成功拎左fastpass之後，第一站就去左Radiator Springs Racers ：）
呢個attraction都排左差唔多個半鐘呀！！
好正，坐上去真係飛車咁快，仲要有d位係同隔離條track架車好似真係比賽緊咁！
你見到張相就知衝力幾大啦 哈哈
玩完Radiator Spring Racers見又未到番去跳樓，就拿拿淋去左Grizzly River Run
雖然呢個都係叫Grizzly，不過同香港的過山車好唔同呢。
我諗我地真係低估左d attractions…因為我地玩完呢個真係由頭濕到落腳
好彩Cali d天氣好好，半個鐘到都乾得七七八八 哈哈
玩完Grizzly River Run吹乾自己七七八八就夠鐘番去Tower of Terror跳樓喇
好好彩仲有得玩，好似Disney已經plan左會close左呢個attraction去renew做第2個theme 嗚嗚
因為係fastpass的關係，當然係差唔多好似直入咁啦
老公大人見到隔離條normal隊話，如果要佢企喺度等兩個鐘應該排隊已經開始驚緊
所以而家係快速死亡，排快d反而好似冇咁驚喎 （笑）
都叫做仲識笑…哈哈
Tower of Terror我喺Orlando同東京都有玩過，以佢個safety level只係用belt／棍黎fix住下半身，
而唔係好似一般過山車咁用U字型黎cool頸，其實真係驚險極有限
不過今次玩呢個attraction最好睇的其實就係老公大人的處男跳樓反應嘛 （笑）
跳完…你睇佢幾得戚 （大笑）都話左冇野好驚架啦 ～
轉過頭，就黎左Paradise Pier呢個iconic位影相打卡先
望到後面個Ferris Wheel本來都好想玩，但係望一望要排90分鐘…都係算數
反而Ferris Wheel對面呢個Toy Story Midway Mania只係排60分鐘咋
梗係玩呢個instead啦～
冇記錯的話東京Disney Sea都有呢個attraction，仲有大大隻Woody做門口
玩的都係同Buzz Lightyear個激光槍類似嘅野，不過主角變左做Woody加埋有3D效果
所以d decorations都係cowboy同西部風為主，槍既design都low-fi左，用左拉繩設計
唔知係唔係玩buzz玩得太多，反而我覺得呢個好好玩啊！
嗰朝喺airbnb煮左個big breakfast之後，到差唔多玩到兩點幾都唔覺得肚餓
不過玩完之後出黎聞到勁勁勁勁香，所以就跌錢買左隻turkey leg食
好好味啊，roast得好香，又juicy仲要勁入味 ：）
咦咦！Disneyland入面竟然有酒賣！仲要係local craft beer啊
酒鬼H先生當然唔會放過呢個機會啦 （笑）
玩到差唔多3點幾4點，我地就轉場過去Disneyland喇。
要講Disneyland的話，大家去過香港嗰個咁多次
其實只可以係話一個放大版吧，基本上所有陳設都係一樣的
所以入到去其實連map都唔駛點拎
當然一開始就係一條大好多的Main Street…
今年岩岩係Disneyland嘅60th anniversary啊
所以周圍都多左d 特別為呢樣野慶祝的decorations
雖然話同香港差唔多，但一場黎到點都要玩d香港冇得玩嘅attractions
第一個一定係我同老公大人細個黎最鐘意嘅Haunted Mansion
記得上次去東京玩，排排下隊收到sms話因為打風第2日番香港班機cancel左
我地就係用左排呢條隊嘅時間，call我地做CX個frd攪番掂個機位
好彩今次咩sms都收唔到者 （笑）
除左Haunted Mansion，我地2個大細路都對呢個Matterhorn Bobsleds好有回憶
呢個ride係得Anahelm呢個Disneyland先有架咋，所以真係黎的話呢個係必玩之選啊。
要留意嘅係呢個ride係冇fast pass的說，所以真係要有心理準備排45分鐘以上吧。
可恨的是好想好想好想玩的splash mountain因為維修冇開 （泣）
玩到差唔多真係到dinner time我地就行左出去Downtown Disney搵野食
都係求求其其pizza salad定pasta 嗰d fast food野啦 （反正都係為左填飽個肚）
反而係經過Disney Store我真係咩。野。都。買。唔。落。手。啊。
食完野番入park都差唔多8點喇，雖然firework 9點先開始
但係Main Street尾尾嗰個圈圈位已經係插針都插唔入…
好啦，忽然醒起自己有個honeymoon button又好似唔知邊度有講過會有d privileges
就同老公大人擺個勇字喺心口，問下中間守住VIP area個staff有冇機會比我地sip入去
初頭佢都話叫我地firework前15分鐘先番去再問問，我地都諗住冇機架喇
點！知！佢真係留左位比我地啊！！！！！ （尖叫）
就係咁，我地兩個小薯就咁坐左喺人地要join幾百蚊美金一個人嘅VIP位睇呢場煙花
個music arrangement仲要update左有埋我地隻first dance song I SEE THE LIGHT啊~
係咁，我真係感動到d眼流巴巴聲咁流出黎 嗚嗚嗚嗚嗚嗚
果然Disney Magic係真的 （撤花轉圈再撤花）
Disneyland Resort
1313 Disneyland Dr, Anaheim, CA 92802
Opening Hours: 0800-2300
Website: https://disneyland.disney.go.com/tickets/
0 Comments:
發佈留言