對，我懷孕了...（！！！）
然後，其實打呢篇blog的時侯，bb已經出來了（！！！！！）
（所以我再唔打番呢38weeks發生的事我應該會好快唔記得啊～）
一直結婚後都諗住會有bb
但係真係冇諗過係咁快 （本身仲夾晒口供話玩多年幾兩年先架嘛）
雖然我唔知bb大個會唔會睇番呢篇blog
but to be very honest，一知道的時候我係晴天霹靂的
因為係意外，心理上真的完全沒有任何準備
尤其是我的period本身真係超級不準
但畢竟真係比平時唔準都遲左好多，唯有去買棒棒試試驗一下
一試之下…竟然真係中了！
我的反應係“shxt，fuxk…講笑咋嘛？！”
H先生在廁所門外衝左入黎…然後臉上一個好滿足的笑容
（好明顯睇得出邊個more prepared to be parents吧？）
臨急臨忙下搵H先生的表嫂介紹了他們的產科醫生
book了appointment便去了做我人生的第一次obgyn check up
week數計落仲係好早的關係，唔係用肚黎做ultrasound…而係用陰超（！！！）
（你地想知係咩嘅，msg問我再detail跟你們說好了 orz）
第一次在ultrasound screen上見到一個圈圈，就是我們的＃somephreyb了
不過因為胎仲係好細，所以醫生話仲未有心跳，要個幾兩個星期後再照一次
第二次的obgyn check up （好好彩已經用肚面做ultrasound了，唔駛再做陰超～）
在screen上睇到閃下閃下，再聽一聽…確定有心跳了！
原來bb在肚內的心跳係超快，係好急而且好低音的wuu wuu wuu wuu…
後知後覺下download左個叫ovia的pregnancy app開始睇下info咁
個app會話比你知每個星期bb的size大約係一個咩蔬果的大細
呢個week個app話bb的size剛好係一粒Pecan（胡桃）的size
又因為未知道係男仔定女仔的關係，我同H先生就開始用左“Pecan”黎refer bb了！
在大概Week 10/11 咁上下
我地決定左做T21 Express，主要係用黎check下bb有冇任何基因缺陷
不過除此之外更可以睇埋bb的性別⋯⋯
但係因為一啲原因，我地叫左醫生唔好比我地知住 ；）
好好彩，我成個孕期（尤其係多數人最難頂的1st trimester) 真係冇咩嘔過，
只係一開始的時候有少少反胃的感覺, 食得、訓得⋯唔講真係唔會知我有左
而且頭三個月係完全見唔到肚，到差唔多Week 17先至開始有少少見肚
(請無視我的PJ Look...超樣衰 orz)
步入黃金2nd trimester，身體變化開始變得明顯 （尤其係見肚）
對我地黎講，最重要的都係week 20要做的結構性超聲波檢查
呢個檢查會show到bb有冇嚴重的身體缺陷 （例如兔唇、甚至係有冇少左個器官等等）
會比到parents-to-be一個好好既決定要唔要繼續呢個journey
（因為香港法例係bb 24週前可以做合法的停止懷孕手術…你明白的）
而家好多結構都會係出3D/4D影像
好似上圖咁，好明顥就可以睇得到bb嘅初步面型同輪廓 ：）
照左出黎Pecan BB大部份都冇問題，只係心臟有少少倒流的問題
不過醫生都同我地講，呢個只係小問題，好多bb隨住生長大d就會冇左。
決定左要繼續同Pecan bb行落去之後，
我同H先生先開始放心同多d屋企人朋友分享呢件事
然後開始去plan下pregnancy announcement，babymoon同埋baby shower的事 （呼～）
（呢3樣野都會另外再寫detailed d既blog post同大家分享啊）
Pregnancy announcement好多人會揀就咁影張ultrasound或者見肚相
不過我覺得咁樣實在太冇新意喇 haha
所以我搵左位我一直好想同佢合作的videographer拍左條pregnancy video
一來剪條trailer出黎當announcement，條長的就留比bb第日睇番我地當時的感受
好彩出黎嘅反應都好好呢 ：）
至於Babymoon嘛…好多人會問，有bb去旅行可以嗎？
當然可以啦～醫生都同我講去旅行可以relax下
最黃金的period就係2nd trimester，因為過左week 27之後
好多airline都要request你要med certificate去prove你「適航」
babymoon我地結果揀左d都係攤抖relax的地方－Bali
正因為揀左去Bali，所以心痕痕又走去搵下當地影pregnancy＋anniversary shoot
結果懶懶地搵，出黎效果都還可以啦。
就算步入3rd trimester，但係胃口都冇特別有改變
而且我的確喺好多人（尤其係長輩）眼中都係一個好唔聽話的孕婦
冇咩戒口又食凍野，不過得到醫生的加持話其實多數係貝類同酒精唔好食之外
我就完全冇理過luuuuu ；）
因為Pecan BB的預產期係19/6 而我又決定左試順產
但係我生日係25/5, 估佢唔到會唔會早成個月彈出黎的原因
所以我地提早左做baby shower ＆ birthday party ：）
好好彩搵到一個super cozy嘅venue，有機會另文再同大家分享下呢。
35weeks 再番去做obgyn check
已經話Pecan BB睇落會係一個偏大嘅bb，頭圍同腳長都比正常的大左2個week到
醫生話如果BB跟EDD個日子先出黎的話，好可能會順產唔到而要改c-sec
不過我都仲係好有希望佢會出d早黎 ：）
過左35week之後，雖然我仲係番緊工
不過心入面成日都覺得bb會隨時走出黎
個肚喺最後呢幾個星期亦exponentially咁長大
又真係好好彩冇咩stretch mark，不過肚上面條線就好似冇得走雞（唉）
聽人講stretch mark真係人人唔同，有d人搽好多野都係有，有d人完全唔搽都唔出
我的case，都只係晚晚臨訓前搽下clarins支stretch mark cream當買個心安架咋。
36weeks到，個肚開始勁痕，痕到係會勁麻甩咁r個肚，尤其係夜晚最痕
去google搵左d資料就覺得似係初期的PUPPP (Pruritic urticarial papules and plaques of pregnancy)
PUPPP最可怕的地方係，真係要生左個bb出黎先會cure到…我心諗咪仲有成個月去r？！
唯有去搵番obgyn求救，好彩開左支冇steroid嘅藥膏比我搽，先至好轉少少
38week3days
冇諗過呢張相會係臨生之前，Pecan bb喺我個肚入面的最後一晚...
下回再續
0 Comments:
發佈留言