因為之前做左baby shower，所以同老公大人有共識唔攪百日宴lu～
回想起呢3個月，初為媽媽的我真係冇諗過原來最辛苦的唔係生仔
（就算係順產加埋冇用到無痛分娩）最大的challenge竟然餵人奶這回事
喺醫院的三日真係過得好快，因為想自己抖多d我都冇勉強自己要全人奶
第一日唔落得床再加傷口的確有d痛，我都由姑娘餵奶粉算數
番到屋企都覺得好似泵出黎會知佢食左幾多，就諗住一開始就全泵
陪月姐姐唔係太有experience，所以其實佢喺度的一個月
我都係盡量等佢日頭揍住Pecan，我就盡量抖下等自己可以快d回復體力
放10個星期的產假其實都唔係咁慘丫，尤其而家科技發達除左netflix仲可以網購
美國amazon，日本amazon，當然唔少得仲有偉大的淘寶
買自己野唔多 反而係咁買bb野 （因為生之前都唔知其實要買d咩）
到差唔多兩個月，唔知因為咩事其中一邊開始塞塞地
本身冇諗過買lecithin，通草呢d野全部食晒煲晒都係攪唔掂
雖然間唔中都有埋身，但係埋身好似唔係太理想，
次次都係硬係有d痛，後來仲攪到損左（泣）
番工前仲攪到發高燒…好在有人介紹我去睇母乳顧問
一睇先知原來自己一直好多野做錯左！
埋身個姿勢啦，個泵啦，個泵個喇叭size啦 （掩面）
後來連胸的周圍又痕又甩皮，睇埋皮膚科醫生先知係濕疹
真係衰開有條路，越唔想中的全部中晒（泣）
因為咁其實我喊左好多次，真係好想放棄人奶
亦因為屋企有d事，同老公大人相量之後
我決定左quit左份工做住一陣full time mom先
雖然一直做的係我好喜歡做的事，不過呢d時侯要我quit可能都係天意吧
畢竟香港的法定maternity leave只係得嗰10個星期
就當係自己抖一抖，比自己放一個extended的maternity leave好了
不經不覺呢三個幾月，呢粒Pecan已經可以抬頭仲要好抬得好穩下
呢排仲要開始ee牙牙咁同我地講野，而家好努力向下個目標反身進發中！
下次跟大家分享一下媽媽的買物吧
Pecan的日常可以follow IG@pecanyung 啊 ：）
0 Comments:
發佈留言